CALO

OPINI olih I Wayan Armawan

Ring sajebag jagat Bali utawi ring Indonésia sampun lumrah indik pamargi ngrereh pakaryan punika méweh pisan, santukan akéh lulusan nanging genah pakaryan akidik. Parindikan puniki dados pikobet ring parajana lan para yowana sané pacang ngruruh pangupa jiwa mangda sida nglanturang kahuripané. Nanging parindikané puniki kaanggén galah melah utawi genah sané becik pisan saking sang sané madué genah sané baduur ngruruh pangupajiwa sané lebih.

Pikobet puniki sampun lumrah pisan genah pakaryan utawi lowongan pekerjaan nika kauningin olih kaluarga sang sapasira sané sampun madué genah baduur utawi kadudukan tinggi dadosné sané ngamolihang pakaryané punika wantah kaluargan ipuné. Tiosan punika wénten taler wénten yowana mangda sida ngamolihang genah makarya para jana utawi para yowana akéh nglaksanayang suap utawi ngicénin jinah utawi brana ring sang sané madué kanti ring genah pakaryané inucap.

Ring galah puniki titiang mikenohin ring sajeroning ngruruh pakaryan yéning nénten wénten kanti tur saha nénten madué arta brana pastika méweh jagi pacang ngamolihang, santukan napi sané kawedar ring para jana lumrah kepastikanyané nénten mamargi, para jana sané tésting utawi nglamar pakaryan nika wantah dados formalitas kémanten.

Parindikan puniki sampun lumrah pisan napi ké niki sané mawasta korupsi? Santukan nganggen genah sané baduur nindes sané di beten mangda sida ngamolihang napi sané kaaptiang ring pakenoh ipuné.

Kadi punika sané wénten ring pamineh titiang, sapunapi antuk midabdabin mangda parindikan puniki nénten nglimbak tur saha prasida guminé becik, para yowana sané masekolah prasida ngamolihang pakaryan manut prestasi lan keterampilannyané. Niki mangkin titiang ilustrasikan ring sajeroning gambar puniki.

Yéning sami sané madué jinah tur madué kanti malaksana sapunika, sinah kualitas SDM sané pacang ngamongin pakaryan soang-soang pacang kaon santukan nénten manut ring kompetensi nganutin pakaryan sané kapolihang. Punika kasuén-suén pacang dados panutan saking para jana/muda-mudi sami sané pacang ngwetuang kaon.

 

I Wayan Armawan

embas ring Alasngandang, 14 September 1987, dados mahasisia semester VII  ring Prodi Pendidikan Bahasa Bali, STKIP Agama Hindu Amlapura